Parque eólico Mondigo · Recursos de Galicia

Os nosos recursos, ao teu servizo

En Recursos de Galicia traballamos por un modelo enerxético xusto e útil para as persoas. O parque eólico de Mondigo, na Mariña Oriental, é o primeiro activo renovable de RDG e, por tanto, o primeiro onde podemos aplicar a nosa política de reversión do beneficio no territorio a través do programa Mondigo Beneficia.

MONDIGO BENEFICIA

O parque de Mondigo

O parque eólico de Mondigo é unha instalación moderna, composta por 11 aeroxeradores, situado no teu entorno máis próximo.

Vivir preto de Mondigo ten beneficios.

O programa Mondigo Beneficia nace co fin de contribuír a que o desenvolvemento enerxético teña retorno social, o que suporá, entre outras medidas, que a veciñanza do parque poderá pagar menos polo seu consumo eléctrico.

A través da colaboración das comercializadoras de electricidade que se adhiran ao programa Mondigo Beneficia, aplicaráselle á veciñanza que acceda a este programa un desconto do 80 % do custo do seu consumo, cun tope máximo anual que será fixado conforme se indica nas Condicións Particulares. Non podemos intervir en partes do recibo coma os impostos, as peaxes ou outros cargos, pero si é posible facelo recortando o custo do consumo enerxético. E para que sexa unha realidade, a nosa división de produción de enerxía, RDG Xeración pagaralle á túa comercializadora os cartos necesarios para que ela faga o desconto directo nas facturas.

MAPA COA ZONA BENEFICIADA

Condicións para acceder a Mondigo Beneficia:

Formar parte da zona delimitada para ter dereito á bonificación. [1]
Ter contratada a subministración de electricidade cunha comercializadora adherida ao programa Mondigo Beneficia.
Manterte ao día no pagamento das facturas de electricidade.
Facer a túa propia contribución á competitividade dos prezos enerxéticos contratando a túa electricidade a prezos de mercado.
Informarnos de calquera cambio nas condicións anteriores.
Presentar a túa solicitude a través do formulario que atopas nesta web e aceptar as Condicións Particulares do programa.

Unha vez solicites o acceso ao programa Mondigo Beneficia, revisaremos a túa solicitude e contactarémoste para confirmarche que xa formas parte del.

Dende a data da túa solicitude acumularás o teu desconto, que se manterá ata o momento no que RDG Xeración poña fin ao programa. [2]

Accede ao formulario e solicita o teu aforro

Fai clic para activar o zoom no mapa

Solicita o teu aforro

Tes dúbidas?

Canto me van bonificar?

RDG bonificará o 80 % do teu consumo, cun tope calculado sobre o 80 % do teu consumo eléctrico nos últimos 12 meses. Polo de agora, RDG Xeración reservará os cartos para que, no momento no que o programa Mondigo Beneficia estea completamente operativo, a túa comercializadora faga o desconto, polo teu consumo dende o momento que presentaches a solicitude.

Cando recibirei o pago?

Tan pronto como sexa posible. Estamos a traballar para que as comercializadoras confirmen se desexan traballar connosco; e tamén a nosa división de comercialización, “RDG Comercializadora” está dando pasos, porque ela estará adherida ao programa Mondigo Beneficia.

A doazón que recibo a través do programa Mondigo Beneficia obrígame a algo?

Non, unha vez que sexas parte de Mondigo Beneficia, só tes que permanecer nel para seguir pagando menos polo consumo da luz e estar ao día no pagamento das facturas de electricidade.